په بامیانو ولایت کې نندارتون ترسره شو
سهشنبه: د غبرګولي ۱۱ مه۱۴۰۰
په بامیان ولایت کې ښځینه متشبثینو او صنعتکارانو د لاسي صنایعو یو ورځنی نندارتون د دغه ولایت په مرکز کې جوړ شو
. دغه نندارتون په بامیان ولایت کې د ګرځندوي د کال پیل د فیستیوال ترڅنګ د صنعت او سوداګرۍ د ریاست لخوا د خصوصي سکتور د یو شمیر استازو، ښځینه متشبثینو ، فرهنګی شخصیتونو او ځایی خلکو په شتون کې د بند امیر په ملی پارک کې ترسره شو. پدې نندارتون کې، متشبثینواو صنعت کارو میرمنو خپل د لاسی صنایعو تولیدات په ۲۰ غرفو کې نندارې ته وړاندې شول چې شاوخوا سل زره افغانیو په اندازه توکې وپلورل شول،یاد نندارتون په بامیانو ولایت کې د کورنیو،تولیداتو د بازارموندنې،کارولو، د کسبګرو او متشبثینو ملاتړ او هڅونې په موخه جوړ شوی وه.
د صنعت او سوداګرۍ وزارت مشرتابه ژمن دی چې د روان لمریز کال په بهیر کې د هیواد اقتصادي ودې په موخه د هیواد صنعتی تولیداتو لپاره د بازار موندنې کارونې په موخه کور دننه او بهر یو شمیر نندارتونونه ترسره کړي.
