د کندهار ولایت له صنعت کارانو سره د صنعت او سوداګرۍ د سرپرست وزیر لیدنه
سه شنبه ۱۶ صفرالمظفر۱۴۴۶ / ۳۰ زمری ۱۴۰۳
د افغانستان د اسلامي امارت د صنعت او سوداګرۍ وزارت سرپرست محترم الحاج نورالدین عزیزی، د کندهار ولایت له یو شمېر صنعت کارانو سره وکتل.
پدې لیدنه کې د کندهار ولایت محترمو صنعت کارانو خپلې ستونزې او هغه ګواښونه چې دوی ورسره مخ دي، د وزارت له مشرتابه سره مطرح کړل او دغه ستونزو ته د حل لارې د پیدا کولو غوښتونکي شول.
د صنعت او سوداګرۍ وزارت سرپرست الحاج عزیزی د دوی ستونزې واوریدې او دوی ته یې وویل ترڅو خپلې ستونزې په لیکلې بڼه له وزارت سره شریکې کړي چې د حل په موخه له اړونده ادارو سره هغه مطرح کړای شي.
