د صنعت اونۍ او نړيوال نندارتون څخه ليدنه
شنبه ۲ذوالقعدة الحرام ۱۴۴۵ / ۲۲ ثور ۱۴۰۳
د صنعت او سوداګرۍ وزارت مرستيال وزير مولوي قدرت الله جمال د صنعت اونۍ او نړيوال نندارتون د ارزونې په موخه د خپلو صنعتکارانو او سوداګرو د هڅونې په پار د وطني توليداتو څخه ليدنه وکړه.
په دې کتنې کې يې وطني توليدات لکه غذايي توکي، برقي سامان الات، لاسي صنايع، د هيواد د مختلفو ولايتونو سنګې مرمر، خالص عسل، بوټونه، خام مواد، ترازو، ډول ډول روغاني رنګونه او همدا راز يې په سلګونه قلمه وطني توليدات وکتل.
ښاغلي جمال له خپلو وطني توليداتو څخه کلک ملاتړ څرګند کړ او خپل صنعتکاران يې وستايل.
