په ټول هېواد کې له داخلي محصولاتو څخه دګټې اخیستنې په موخه دصنعت او سوداګرۍ وزیر ټینګار
پنجشنبه: دلیندۍ ۲۷مه ۱۳۹۹
دصنعت او سوداګرۍ وزارت رهبري ټینګار کوي چې په هېواد کې دداخلي صنایعو د ودې په موخه دې له داخلي محصولاتو ګټه واخیستل شي.
هرات ولایت ته دصنعت او سوداګرۍ وزیر ښاغلي نثار احمد غوریاني دخپل سفر په ترڅ کې دیاد ولایت له والي ښاغلي سید وحید قتالي سره ولیدل.
په دغه لیدنه کې ښاغلي غوریاني ټینګار وکړ چې خلک او ټول دولتي نهادونه باید له داخلي محصولاتو څخه ګټه واخلي، چې دغه چاره به دکورنیو صنایعو دودې لامل شي، ښاغلي غوریاني دهرات ولایت له سوداګرو او صنعتکارو څخه دسیمه اییزو چارواکو له ملاتړ څخه مننه وکړه .
بلخوا دهرات ولایت والي ښاغلي قتالي په دغه لیدنه کې دداخلي صنایعو دودې په موخه دصنعت کارو دستونزو پر حل ټینګار وکړ او زیاته یې کړه چې خلک او دولتي ادارې باید له داخلي محصولاتو څخه ګټه واخلي.
په دغه لیدنه کې ښاغلي غوریاني دصنعت او سوداګرۍ دودې په موخه دنویو هوکړه لیکونو له لاسلیک څخه خبر ورکړ.
