په لغمان ولایت کې د پلاسکو لوښو د تولید پیل
سه شنبه دکب ۵ مه ۱۳۹۹
په لغمان ولایت کې د پلاسکو لوښو د تولید لمړنۍ فابریکې د یومیلیون افغانیو په پانګونې سره خپل فعالیت پیل کړ.
دا کارخانه چې په معیاري ماشینونو سمبال ده د لغمان ولایت د مهترلام بابا ښار په ۶۰۰ متره مربع ځمکه کې د پلاسکو لوښو د بیلابیلو ډولونو په تولید کې فعالیت ترسره کوي چې، د یاد ولایت اوسیدونکو ته يې کاري فرصتونه برابر کړي دي.
یاده تولیدي فابریکه خپل دتولید وړ اومه توکې د بهرنیو هیوادونو څخه واردوي .
دغه فابریکه په ۲۴ ساعتونو کې ۵۰ کیلوګرامه اومه موادو څخه د ۱۲ زرو څخه زیات بیلابیل پلاسکو توکې تولیدوي،یاده فابریکه خپل تولیدات ننګرهار،کندهار او هلمند ولایاتو ته د خرڅلاو په موخه استوي.
دا په داسي حال کې ده چې د صنعت او سوداګرۍ وزارت په یاده برخه کې د هغوي ته د اسانتیاو د برابرولو تر څنګ بازار موندنې په برخه کې هم مرسته کوي.
