په فاریاب ولایت کې د قوش تیپې نندارتون پرانیستل شو
سه شنبه۱۳ رجب المرجب ۱۴۴۶ / ۲۵ مرغومی ۱۴۰۳
د هېواد په ولایتونو کې د داخلي نندارتونو د ځنځیرې جوړیدو په لړ کې چې د هېواد د کورنیو تولیداتو او محصولاتو د ورپېژندنې، له داخلي توکیو څخه ګټې اخیستنې ته د هېوادوالو د هڅونې، د پیسو د چلند او له بزرګرو او صنعت کارانو څخه د ملاتړ په موخه جوړېږي، تېره ورځ (د ۱۴۰۳ لمریز کال د مرغومي( جدې) په ۲۴مه نېټه) په فاریاب ولایت کې د قوش تیپې لومړی نندارتون پرانیستل شو.
دغه نندارتون د وهاج نندارتون جوړولو شرکت له خوا د صنعت او سوداګرۍ وزارت، نورو اړونده ارګانونو او خصوصي سکتور له خوا په لاره اچول شوی چې په پرانیست غونډه کې یې د فاریاب ولایت د والي مرستیال، د نوموړي ولایت د صنعت او سوداګرۍ رییس او د یاد ولایت نور سیمه ییز چارواکي حاضر وو.
په یاد نندارتون کې د هېواد محصولات او تولیدات په ۴۲ غرفو کې د دریو ورځو لپاره نندارې ته وړاندې شوې دي.
