په صنعت او سوداګرۍ وزارت کې دنیالگیو دکرلو دپروسې پیل
شنبه : دکب ۲۳ مه ۱۳۹۹
د صنعت او سوداګرۍ وزارت دنیالګیو دکینولو د نړیوالې ورځې په ویاړ ، د دغه وزارت په انګړ کې د نیالګیو کینولو ، دفکري مالکیتونو او ثبت مرکزي عمومي ریاست ، د صنعتي پارکونو او ولایتي د دفترونوپه انګړ کې د نیالګیو کښینولو لړۍ پیل کړه.
د چاپیریال ساتنې ملي ادارې رییس شاه زمان میوندي او د صنعت او سوداګرۍ وزیر نثار احمد غوریاني تر منځ په هغه ناسته کې چې په دې وروستیو کې تر سره شوه، هغه له سوداګرۍ وزارت څخه وغوښتل چې په صنعتي پارکونو او تولیدي فابریکو په انګړ کې د دنیالګیو کښینولو په ملي پروسه کې همکاري وکړي.
په یاده غونډه کې ، د صنعت او سوداګرۍ وزیر ښاغلي غوریاني د چاپیریال ساتنې د ملي ادارې له رهبرۍ سره ژمنه وکړه چې وزارت به د خصوصي سکتور په همکارۍ د زرغون چاپیریال رامنځته کولو په موخه په مرکز او ولایتونو کې په صنعتي پارکونو کې ۲۰ زره نیالګی کینوي.
دا ۲۰ زره نیالګي به د چاپیریال ساتنې او د هوا ککړتیا د مخنیوي لپاره په ټولو صنعتي پارکونو ، د تولید فابریکوپه انګړونو او شاوخوا پارکونو کې وکرل شي.
