په تخار ولایت کې د ښځو د لاسي صنایعو اتحادیې لخوا دپانګونې زیاتوالی
یکشبه: دغبرګولي۱۶مه ۱۴۰۰
ښځو لپاره د ښځو د لاسي صنایعو اتحادیه چې د تخار ولایت په مرکز تالقانو ښار کې له دریو کلونو راهیسې د غالیواوبدلو، ګلدوزۍ،غاړو جوړولو او خیاطي په مسلکي برخو کې روزنیز پروګرامونه ترسره کوي په یاده برخه کې يې بانګونه زیاته کړی ده نوموړوي اتحاديې د۴۰زرو افغانیو په لومړنۍ پانګونې سره په کار پیل کړی وه او تر دې دمه يې په تخار ولایت کې سل تنه میرمنې د بیلابیلو لاسي صنایعو جوړولو په برخه کې روزلي،چې د تخار ولایت په بیلابیلو سیمو کې د لاسي صنایعو په ګنډلو بوختې دي.
ددې مرکز اوسنې پانګونه ۵۰۰ زره افغانیو ته لوړه شوې، او دغه مرکز ۳۵ هغو میرمنو لپاره چې د غالیواوبدلو ، خامک ګنډلو،د خامکی غاړو جوړولو او خیاطي په برخه کې لیوالتیا لری مسلکي روزنې پروګرامونه پیل کړی دي .
ددې مرکز څښتن وايي که چیرې د دولتي او غیر دولتي سازمانونو لخوا له دوي سره مرسته وشي، دوی کولای شي په تخار ولایت کې د لاسي صنایعو ښوونې ته د لیواله لا زیاتو میرمنو لپاره حرفوي زده کړو زمینه برابرې کړی.
