په افغانستان کې د سوداګرۍ د ودې ګروپ څلورمه ناسته
دوشنبه: دغبرګولي ۱۰مه ۱۴۰۰
د صنعت او سوداګرۍ وزارت د صنعت او سوداګریزوچارو مرستیال ښاغلي محمد سلیمان بن شاه په مشرۍ د افغانستان د سوداګرۍ د پرمختیا د لوړې کچې کاري ډلې څلورمه ناسته، د ACEBA پروژې استازی،د قیمتي، نیمه قیمتي زینتې ډبروسکتور د استازو په ګډون د صنعت او سوداګرۍ وزارت د عبدالمجید زابلي د غونډو په تالار کې ترسره شوه.
په پیل کې د صنعت او سوداګرۍ وزارت مرستیال، محمد سلیمان بن شاه وویل چې په افغانستان کې د سوداګرۍ د ښه والي د کاري ډلې رامینځته کولو موخه د هیواد دخصوصي سکتور فرصتونواو ننګونو پیژتذل او هغو ته د حل لارو لټول دي.
ښاغلي بن شاه زیاته کړه چې وزارت تر دې دمه د نهو مشورتي غونډواو ۳ دلوړې کچې غونډو په جوړولو سره د غالیو او زعفرانو سکتور لپاره ۲۱ طرحې برابرې کړي چې له هغې څخه يې ۱۱ د پلي کیدو لپاره چمتو دي.
پدې ناسته کې،د قیمتي، نیمه قیمتي او زینتې ډبرو سکتورونوپه فرصتونو ، ننګونو او وړاندیزونو، نوموړوډبرو کیندنې ، پروسس ،ارزښت او صادراتو ډیروالي په اړه خبرې وشوې.
د افغانستان د سوداګرۍ پرمختیا ډله د دولتي ادارو سره د په مشورتي ناستو کي د ګډون د اسانتیاوو،د ستونزواو ننګونوپه هکله د معلووماتو شریکولو،خصوصی سکتور ،د مالی ملاتړو کونکو بنسټونو،سره د همغږۍ رامنځته کولو ، د تشبثاتو پرواندې ستونزو،ننګونوته په اغیزمنه توګه د رسیدګې او خصوصی سکتور لپاره د لومړیتوبونوپربنسټ د پروګرامونو د طرح کولو په موخه رامنځته شوي ده .
دا کاري ډله د غالیو ، زعفرانو ، قیمتي ، نیمه قیمتي، زینتي ډبرو اوټوکر اوبدلو په سکتورونو کې کار کوي ،تر دې دمه د غالیو او زعفرانو سکتور لپاره ۲۱ طرحې برابرې شوی چې له هغې څخه يې ۱۱ د پلي کیدو لپاره چمتو دي.
