په اسلام آباد کې دافغانستان او پاکستان دصنعت او سوداګرۍ وزیرانو لیدنه
سه شنبه دمرغومې ۹مه ۱۳۹۹
دصنعت او سوداګرۍ وزیرښاغلي نثار احمد غوریاني او ورسره پلاوي ، چې پاکستان ته یې د افغانستان ـ پاکستان دسوداګرۍ او ترانزیټ دهمغږۍ کمیټې په اتمه ناسته اپتیکا کې، دګډون په موخه سفر کړی، ددې هېواد دلومړي وزیر داقتصادي چارو له سلاکار او سوداګرۍ وزیر ښاغلي رزاق داوود سره وکتل.
په یاده غونډه کې دافغانستان او پاکستان ترمنځ دسوداګرۍ او ترانزیټ دپراختیا په اړه دخبرو تر څنګ دافغانستان ـ پاکستان دسوداګرۍ او ترانزیټ دهمغږۍ کمیټې دخبرو دپرمختګ په اړه بحث تر سره شو.
دصنعت او سوداګرۍ وزیر ښاغلي نثار احمد غوریاني په مشرۍ،دافغانستان خصوصي اودولتي پلاوی له دوو ورځو راهیسې په اسلام آباد کې دی او یاد پلاوی دافغانستان ـ پاکستان دسوداګرۍ او ترانزیټ دهمغږۍ کمیټې ( اپتیکا) پر خبرو او له پاکستاني مقاماتو سره دافغان سوداګرو دستونزو په حل کولو بوخت دی.
