د GIZ له مسولينو سره دصنعت اوسوداګرۍ معين ليدنه
پنجشنبه: د وري 26مه 1400
د صنعت او سوداګرۍ وزارت معین ښاغلي محمد سلیمان بن شاه د GIZ دفتر له چارواکو سره په خپل دفتر کې وکتل او د ياد وزارت او GIZ دفتر ترمنځ د همغږۍ او ګډې همکارۍ په اړه یې خبرې وکړې.
د آلمان د نړیوالې همکارۍ ادارې (GAZ) دفتر د کارموندنې فرصتونو رامینځته کولو لپاره کار کوي او د صنعتي کارموندنې زیاتوالي په موخه د صنعت او سوداګرۍ وزارت سره همکاري کوي.
ښاغلي بن شاه دياد دفترله فعاليتونوڅخه چې د پانګوونې د ملاتړ ، صنعتي پارکونو پراختیا او صادراتو پراختیا برخو کې کوي ستاينه وکړه او دکارموندنې په برخه کې يې ديادې ادارې هڅې وستايلې .
د غونډې په پای کې دواړو لورو د لاهمغږۍ او پرله پسې همکاریو په ډيروالي ټينګار وکړ.
