د کندهار ولایت د بازار د وضعیت ارزونه
شنبه: د غبرګولي ۸ مه۱۴۰۰
په کندهار ولایت کې د ټیټ کیفیت لرونکو ، تاریخ تیرو او جعلي توکو د تولید ، واردولو او اکمالاتو مخنیوي کمیسیون د نرخونو کنټرول، د ټیټ کیفیت لرونکي او تاریخ تیرو توکو د موندلو په هکله د دې ولایت د بازارونو څیړنه وکړه.
د کمیسیون له لوري ددغه ولایت د بازارونود لیدنې پرمهال شاوخوا دوه زره کیلوګرامه کرنیز درمل ۲۵۰۰ درجنه تاریخ تیرې معدنې اوبه او نور توکې راټول او لمنځه یوړل شول.
یاد کمیسون د صنعت او سوداګرۍ وزارت په مشرۍ د ۱۰ دولتي ادارو او خصوصي سکتور د غړو څخه جوړ دې او د مستهلیکنو څخه د ملاتړ قانون له مخې په مرکز او ولایاتو کې د ټیټ کیفیت لرونکو او تاریخ تیرو توکو موندلو او بازارونو کې د نرخونو د کنترول په برخه کې هلې ځلې کوي.
