د چین د خصوصي سکتور او ا.ا.ا د صنعت او سوداګرۍ وزارت تر مینځ همکاري پراختیا موموي
دوشنبه ۱۱ شعبان العظم ۱۴۴۶ / ۲۲ سلواغه ۱۴۰۳
د افغانستان د اسلامي امارت د صنعت او سوداګرۍ وزارت معین محترم مولوی احمدالله زاهد، نن دوشنبه د سلواغي (دلوې )په ۲۲ مه، افغانستان کې د چینایي وګړو د اتحادیې له مشرې میرمن "مونگ شیاولي" سره په افغانستان کې د چین د خصوصي سکتور د پانګونې او د سوداګریزو چارو د لا ښې همغږۍ په موخه وکتل.
پدې کتنه کې د پانګونې د چارو،سوداګرۍ او چینایي پانګوالو او سوداګرو ته د افغانستان دویزو په ورکړه کې د لا ښې همغږۍ په تړاو خبرې اترې وشوې.
په پای کې د صنعت او سوداګرۍ وزارت معین محترم مولوی احمدالله زاهد د لا زیاتې همغږۍ او په افغانستان کې د چین هېواد د سوداګریزو او پانګونې د فعالیتونو د چټکوالي په تړاو په افغانستان کې د چینایي وګړو د اتحادیې له مشرې سره لازمې سلا مشورې شریکې کړې.
