د نړیوالو سوداګریز سازمان د فکری مالیکیتونو د تړون څخه د کمو پرمخ تللو هیوادونو معافیت
پنج شنبه د چنګاښ ۱۰مه ۱۴۰۰
دسویس جینوا ښار دنړیوال سوداګرۍ سازمان کې د افغانستان د اسلامي جمهوری دولت دایمي استازي وايي چې د سوداګرۍ نړیوال سازمان د افغانستان په ګډون د لږوپرمختللو هیوادونو د غوښتنې پربنسټ د فکری مالیکیتونو اړوند سوداګریزوحقوقود ژمنو د اجرا موده تر 2034 زیږدیز کال پورې د یاد سازمان د ټولو غړو به موافقې سره تصویب کړه.
د دې سازمان مسئولین وايي چې د نړیوال سوداګریز سازمان دکمو پرمختیایې هیوادونو د غړو په هڅو یاد موضوعات تر 2034 پورې وغځول شول.
دا پریکړه د دې هیوادونو لپاره غوره فرصت برابروي ترڅو له هغه څخه ګټه پورته کړي او خپلي اقتصادي او مالي ستونزې حل او دې تړون د مکلفیتونو د سم تطبیق،اړتیاوو او ضرورتونو لپاره مناسبې ټیکنالوژۍ پربنسټ د خپلو ژمنو د ترسره کولو لپاره لازمې اسانتاوي رامنځټه کړی.
همدا راز دا پریکړه د بهرني پانګوالو لپاره هم ښه فرصت برابروي ترڅو پانګوال په دي هیوادونو کې په پوره ډاډ د اوږدې مودې لپاره بیدون د قوانینو او مقرراتو دمحدودیت څخه پانګونه وکړي او له دې امتیاز څخه ګټه واخلي.
د یادونې وړ ده چې پخوانۍ معافیت د 2021 کال جون تر پای پورې غزیدلی و، چې ژر به پای ته ورسیږي.
