د صنعت او سوداګرۍ په وزارت کې د ډیجیټلي خدماتو د مرکز پرانيسته

 سه شنبه دچنګاښ 22مه 1400

 دصنعت او سوداګرۍ په وزارت کې د ډیجیټلي خدماتو مرکز ،  سرور روم ، د معلوماتي ټیکنالوژۍ مرستې ميز (IT-Helpdesk) او د صنعت او سوداګرۍ وزارت ډیجیټلي آرشیف سیسټم ، د صنعت او سوداګرۍ وزیر ښاغلي نثار احمد غوریاني اودياد وزارت معين محمد سليمان بن شاه لخوا رسما پرانستل شو.

 د صنعت او سوداګرۍ وزیر نثار احمد غوریاني د دې مرکز پرانیستل د ډیجیټلي حکومتدارۍ د ادغام په لاره کې یو مهم ګام وباله او ټینګاريې  وکړ چې د معلوماتو اوټکنالوژۍ د زیربنا رامینځته کولو لپاره ، د روڼتیا او حساب ورکونې د ودې لپاره د سیستمونو ډیجیټلي کول د حکومت یو له لومړیتوبونو څخه دي چې همغږي پلانونه باید ډیزاین او پلي شي.

 له بلې خوا ، د دې وزارت د معلوماتي ټیکنالوژۍ او سیسټمونو پراختیا رییس حسیب الله میلاد وايي چې یاد شوی مرکز د اطلاعاتو ټیکنالوژۍ معیاري خدماتو وړاندې کولو لپاره د دې وزارت د معلوماتي ټیکنالوژۍ لومړني جوړښت دی.

ديادومراسمو په پای کې ، د صنعت او سوداګرۍ وزارت مشرتابه د معلوماتي ټیکنالوژۍ او سیسټمونو پراختیا له ریاست څخه مننه او قدرداني وکړه.