د ساختماني سکتور له استازو سره غونډه
یکشنبه مورخ ۸ ذوالقعدة الحرام ۱۴۴۴ / ۷ غبرګولۍ ۱۴۰۲
د صنعت او سوداګرۍ وزارت سرپرست الحاج نورالدین عزیزي د دغه وزارت د غونډو په تالار کې د ساختماني سکتور له استازو سره وکتل.
په دې کتنه کې د ساختماني سکتور مسوولینو دغه سکتور د هېواد د پرمختګ بنسټ وباله، خپلې ستونزې او وړاندیزونه یې د وزارت له سرپرست سره شریک کړل او د لا زیاتې پاملرنې په موخه یې د ا.ا له ادارو سره د اړیکو د ساتلو په هکله د ساختمای چارو د اطاق غوښتنه وکړه.
د صنعت او سوداګرۍ وزارت سرپرست الحاج نورالدین عزیزي د دوی د خبرو له اورېدو وروسته وویل، چې د یادې خونې د جوړولو لپاره به له اړوندو ادارو سره په همغږۍ بحث ترسره شی.
همدارنګه ښاغلي عزیزي د ساختماني سکتور د وړتیا په لوړولو د ټینګار ترڅنګ وویل، د هغو فعالو شرکتونو نوملړ چې په یاد سکتور کې پانګونې وړتیا لري له دغه وزارت سره شریک کړئ.
