د ترکیې هيواد له یو شمير ملي سوداګرو سره لیدنه
یکشنبه ۷ شعبان المعظم ۱۴۴۵/ ۲۹ سلواغه ۱۴۰۲
یاده غونډه د صنعت او سوداګرۍ وزارت مرستيال ښاغلي مولوی قدرت الله جمال په مشرۍ د ترکیې هيواد د ملي سوداګرو په ګډون تر سره شوه.
د ترکیې هيواد سوداګرو په افغانستان کې دهوايي ډګرونو، برېښنا په توليد، صنعتي پارکونو او تجارتي ښارګوټو کې پانګونې لپاره خپل چمتوالي څرګند کړ.
ښاغلي جمال د دواړو هيوادونو په تجارتي اړيکو او د هيواد په خصوصي او دولتي سکتورونو لکه هوایي ډګرونه، د برېښنا په توليد، صنعتي پارکونه او د تجارتي ښارګوټو په بيا رغونه کې د ترکيې هيواد ملي سوداګرو ونډه اړينه وبلله زیاته يې کړه داسې اړيکې د دواړو هېوادونو ترمېنځ سوداګريزې اړيکې لا نورې پياوړې کولای شي.
ښاغلي جمال زياته کړه، تجارت او صنعت بايد د سياست ښکار نه شي، زموږ اقتصادي پاليسي له هر هيواد سره په اقتصادي موخو ولاړه ده، افغانستان له اسلامي هيوادنو سره تجارتي اړیکو ته ليواله دی، ډيرو اسلامي هيوادنو له افغانستان سره تجارتي اړیکې له پخوا څخه زياتې ټينګې کړې دي او په افغانستان کې يې پانګونه هم کړې ده.
