په هرات ولایت کې د پی وي سي فابریکه کې د پانګونې زیاتوالی
چهارشنبه د چنګاښ ۸مه ۱۴۰۰
په هرات ولایت کې د نورزاد پي،وي،سي تولیدي فابریکه چې په ۳۰۰ زره امریکايې ډالرو سره يې له درې کالو راهیسې يې په یاد ولایت کې فعالیت پیل کړي، اوس یې خپله پانګه یو میلیون امریکایی ډالرو ته لوړه کړې ده.
دا فابریکه د هرات ولایت په صنعتي ښارګوټي کې فعالیت کوي او د دې ولایت له ۳۰ تنو څخه زیاتو اوسیدونکو ته يې د کار زمینه برابره کړې ده.
یاده فابریکه په یوه شپه او ورځ کې ې د ۱۳۰ متر مربع پی وي سي د تولید وړتیا لري،چې د یادو موادو کړکې او دروازې تولیدوي
د دې فابریکې څښتن وايي چې دوی خپل محصولات د هرات ولایت سربیره د هیواد نورو ولایاتو ته د نورزاد برانډ ترنامه لاندې لیږدوی،څرنګه چې د دې فابریکې محصولات له لوړ کیفیت څخه برخمن دي ځکه نو د پیرودونکو د پاملرنې وړ ګرځیدلي دي .
