په بلخ ولایت کي صنعتي پارک د بنسټ ډبره کښېښودل شوه
یک شنبه مورخ ۱۲ جمادی الاول ۱۴۴۵ / ۵ لیندی ۱۴۰۲
د بلخ ولایت د«بلخ باستان صنعتي پارک» د بنسټ ډبره د صنعت او سوداګرۍ وزارت د ځايي مسؤلین او ولایتي ادارې د مشرانو په شتون کې کېښودل شوه.
په دې مراسمو کې مرستیال والي ښاغلي مولوي نورالهادي ابوادریس، د صعنت او سوداګرۍ وزارت د صنعتي پارکونو عمومي رئیس ښاغلي مولوي سیدمحمد نعیم محمدي، د بلخ ولایت د صنعت او تجارت رئیس ښاغلي قاري امیرمحمد متقي، د بلخ د عدلیې رئیس ښاغلي مولوي امرالله مصلح، د بلخ د صنایعو او معدنونو خوني رئیس ښاغلي امام الدین سنايي زاده، د بلخ ولایت یو شمیر سوداګرو ،پانګوالو اوصنعت کارانو ګډون کړی و.
په پیل کې د صنعت او سوداګرۍ وزارت د پلاوي په استازیتوب ښاغلي انجینر ریاض الحق ریاض د دې پروژې اړوند بشپړ معلومات وړاندي کړل، چي په وینا یې ددې صنعتي پارک لپاره د صنعت او تجارت وزارت له لوري د ۴ زره جریبه په اندازه مځکه په واک کي ورکړې، چي په لومړي پړاوو ۲۴۴ جریبه ځمکه کې صنعتي پارک او پاته ساحه کې تجارتي مرکز جوړیږی.
د نوموړي په خبره نن د ۲۰ میلیونه افغانیو په لګښت د صنعتي پارک لومړني کارونه پیل چي په کې ۳.۶ کیلو متر دیوال او ۱۰ کیلو متر د سړک جوړوني شامل دی چې چارې به يې په شپږ میاشتو کي په بشپړې شی.
ورپسې د بلخ مرستیال والي مولوي نورالهادي، د صنعت او سوداګرۍ وزارت د صنعتي پارکونو عمومي رئیس مولوي سیدمحمد نعیم محمدي د دې اقدام ستاینه وکړه او په وینا یې دا ډول اقدامات ثابتوي چې اسلامي امارت د صنعت، ځان بساینې او پانګونې په برخه کې په ښه ډول زمینه سازي کړې ده.
