له خصوصي سکتور څخه د ملاتړ صندوق د مشرتابه پلاوي درېیمه ناسته ترسره شوه
چهاشنبه ۲۲ ربیع الاول ۱۴۴۶ / ۴ تله ۱۴۰۳
د صنعت او سوداګرۍ وزارت د سرپرست محترم الحاج نورالدین عزیزي تر مشرۍ لاندې او د یاد پلاوي د غړیو په ګډون، له خصوصي سکتور څخه د ملاتړ صندوق مشرتابه پلاوي، خپله درېیمه ناسته ترسره کړه.
په یاده غونډه کې د تېرې ناستې راپور وړاندې او د پله او سړک د جوړولوپه تړاو یو په پریزینتیشن حاضرینو ته تقدیم شو، همدارنګه په تورخم کې د استنادي دیوال د جوړولو په تړاو، د تورخم پروژې د پیل او په سبین بولدک کې د حلقوي سړک د جوړیدو په اړه هم بحثونه وشول.
همدارنګه پدې جلسه کې د یوه مجهز لابراتوار پر جوړیدو، د بندرونو د ملي کمیټې د فعالیتونو په موخه د یوه کمپلیکس د جوړښت او په یاده کمیټه کې د دریو تنو تخنیکي او اداري کسانو په دنده د ګومارل کېدو او د هغوی د امتیازاتو په تړاو هم بحث وشو.
د رپوټ مطابق په یاده ناسته کې په یوه کال کې د هغه لسو پروژو په تړاو چې د یاد صندوق له اړخه تمویلیږي او د هغه پلاویو د لګښتونو په اړه چې د یادې کمیټې له خوا دندې ورسپارل کېږي، بحث وشو او په اړه یې نظرونه تبادله شول.
د ناستې په پای کې په یاده جلسه کې د وړاندې شویو موضوعاتو په اړه مشخص تصمیمونه ونیول شول.
