د ننګرهار ولایت د اوسپنې په سکتور کې د پانګونې زیاتوالی
سهشنبه: دغویی ۱۴مه ۱۴۰۰
په ننګرهار ولایت کې د ګول سیخ او،اوسپنې ویلې کولو فابریکو خپله پانګونه لس ملیونه ډالرو ته لوړه کړې ده ، په دې برخه کې ديارلس فابريکې په کار بوختې دي چې د ګول سیخ او اوسپنیزو توکو بیلابیل تولیدات ترسره کوي.
دغه فابریکې له څو کلونو راهیسې په دې برخه کې کار کوي، چې د ننګرهار ولایت له پنځه سوه څخه زیاتو اوسیدونکو ته يې د کار زمینه برابره کړې ده.
د اوسپنې ویلې کولو یادې فابریکې هره ورځ له لسو څخه تر دیرش ټنو اوسپنې د ویلې کولو وړتیا لري ، پداسې حال کې چې دګول سیخ تولید کونکي فابریکې په ورځ کې له 25 څخه تر اویا ټنو ګول سیخ د تولید وړتیا لري.
د ګول سیخ د فابریکو خاوندان وايي چې دوی د خپلې اړتیا وړ زیات اومه توکي کوردننه ترلاسه کوي او یو کم شمیر يې له بهر څخه واردوي.
د یادونې وړ ده چې د ګول سیخ فابریکې خپل محصولات ګاونډیو د ننګرهار ولایت سربیره ګاوڼدیو ولایاتو ته هم لیږدوي.
