د مالیې سرپرست وزیر سره د صنعت او سوداګرۍ وزیر لیدنه
چهارشنبه: دغبرګولي ۵مه ۱۴۰۰
د صنعت او سوداګرۍ وزیر ښاغلي نثار احمد غوریاني د مالیې وزارت سرپرست وزیر، ښاغلي محمد خالد پاینده سره د هیواد په ګمرکونواو سوداګریزو بندرونو کې د وروستیوسوځیدنو، د دوی سره د چلند په څرنګوالي او په راتلونکې کې د دا ډول پیښو د مخنیوي په اړه خبرې وکړې.
په دې ناسته کې پیښو ته د رسیدنې په چارو کې د دولت وزیرښاغلي غلام بهاالدین جیلاني، دهغه ترانسپورتي وسایطو او باروړونکو موټرانو هغه قربانیان چې د هرات د اسلام کلا د ګمرک په اورلګیدنه کې زیانمن شوي وو هم شتون درلود.
د غونډې په بهیر کې ، د صنعت او سوداګرۍ وزیر، د مالیې سرپرست وزیر او حوادثو د څیړنې په چارو کې دولت وزیر ژمنه وکړه چې د اغیزمنو لاریو چلوونکو ستونزې به حل او د دوی د ستونزو په اړه به وروستی راپورد ولسمشر لومړی مرستیال سره شریک کړی.
د غونډې په پای کې ، د صنعت او سوداګرۍ وزیر ښاغلي نثار احمد غوریاني د هیواد په ګمرکونو او بندرونو کې له فساد سره مبارزه په هکله د مالیې سرپرست وزیرښاغلي محمد خالد پاینده وروستي هڅې وستایلې،کوم چې او د سوداګرو او صنعتکارانو لپاره د لازمو اسانتیاو برابرولو کې مرسته کوي.
