د قزاقستان د ستراتیژیکو څېړنو موسسې له رییس سره د ا.ا.ا. د صنعت او سوداګرۍ د سرپرست وزیر لیدنه
دوشنبه16 شوال المکرم 1446 / 25 حمل 1404
د افغانستان اسلامي امارت د صنعت او سوداګرۍ وزارت سرپرست محترم الحاج نورالدین عزیزي پرون دوشنبه د وري په ۲۵مه نېټه، د خپل کار په دفتر کې له ښاغلي "یرکین والیتخانویچ توکوموف" سره چې د قزاقستان هېواد په ولسمشرۍ ماڼۍ کې د ستراتیژیکو مطالعاتو موسسې ریاست په غاړه لري، ولیدل.
پدې کتنه کې د دواړو هېوادو پر صادراتي توکیو او ترانزیتي لارو ته د یو بل پر اړتیا ټینګار وشو او د سوداګریزو اړیکو پر پراختیا، د افغانستان پر اقتصادي ودې، اقتصادي پروګرامومونو، د افغانستان د صادراتو پر زیاتوالي او د قزاقستان دولت له خوا د افغانستان له ترانزیتي پروګرامونو څخه د ملاتړ په اړه بحث او خبرې وشوې.
د افغانستان اسلامي امارت د صنعت او سوداګرۍ وزارت سرپرست محترم الحاج نورالدین عزیزي، کابل ته ښاغلي توکوموف سفر ته د هرکلي ویلو تر څنګ له افغانستان سره د قزاقستاني چارواکیو په تېره بیا د ددغه هېواد د صدراعظم مرستیال ښاغلي "سریک ژومانگارین" له همکارۍ او لورینې مننه وکړه.
