د صنعت او سوداګرۍ په هکله اطلاعاتو ته په لاس رسي ټینګار
یکشنبه دکب ١٧مه ١٣٩٩
اطلاعاتو ته دلاس رسي حق په هکله د عامه پوهاوي ورکشاپ د صنعت او سوداګرۍ وزیر ښاغلې نثار احمد غوریاني په مشرۍ ،اطلاعاتو ته دلاس رسي کمیسیون د کمشنر،د وزارت ریسانو او کارکونکو په ګډون دیاد وزارت د غونډو په تالار کې ترسره شو. په دې ورکشاپ کې د صنعت او سوداګرۍ وزیر اطلاعاتو ته دلاس رسي حق په هکله وویل چې د قانون په چوکاټ کې هیڅ ډول اطلاعات به د رسنیو او هیوادوالو څخه ونه سپمول شی او دهغوي په واک کې به ورکړل شی ښاغلي غوریاني زیاته کړه چې ددې وزارت د رسنیو برخې هیوادوالو او رسنیو ته د اطلاعاتو په برابرولو او شریکولو سره د عامه پوهاوي ښې لاسته راوړنې لرلي دي.
همدا راز د صنعت اوسوداګرۍ وزیر زیاته کړه چې په دولتي ادارو کې اطلاعاتو ته دلاس رسي حق تامینول د کارونو روڼتیا،د دولت او وګړو ترمنځ د اعتماد او د دولت پر کړنو د ولس باور رامنځته کوی.
له بلې خوا اطلاعاتو ته د لاس رسي کمیسیون کمشنرۍ آغلې زهراموسوی د صنعت او سوداګرۍ وزارت لخوا د اطلاعاتو دلاسته راوړلو په برخه کې د وزارت رامنځته شوي اسانتیاوې وستایلې.
په دې ورکشاپ کې اطلاعاتو ته دلاس رسي قانون ،اطلاعاتو ته دلاس رسي غوښتنلیک،د اطلاعاتو د غوښتنې په هکله د دولت مکلفیتونه او د یاد قانون د نورو اړونده برخو په هکله د دې وزارت کارکونکو ته لازم معلومات ورکړل شول.
