د سوداګرۍ وزارت مرستیال له چینایي صنعتکارانو سره وکتل
سه شنبه مورخ ۱۰ ربیع الاول ۱۴۴۵ / ۴ تله ۱۴۰۲
د صنعت او سوداګري وزارت مرستیال مولوي قدرت الله جمال له یو شمېر چینایي صنعتکارانو او سوداګرو سره په خپل کاري دفتر کې وکتل. د لیدنې په ترڅ کې چینایي سوداګرو د خپل کاري پلان په اړه هراړخیز معلومات وړاندې کړل.
راغلو سوداګرو په افغانستان کې له ډاډمن سوداګریز وضعیت څخه خوښي څرګنده کړه او هیواد یې له سوداګریزو فرصتونو ډک وباله. دوی د خپلو خبرو په ترڅ کې د په نورو برخو کې هم د ۱۰ میلیونه ډالرو پانګه اچونې هوډ څرګند کړ.
د ناستې په پای کې ښاغلي مولوي قدرت الله جمال له راغلي پلاوي مننه وکړه او د ملاتړ ډاډ یې ورکړ. نوموړي د بهرنيو سوداګرو لپاره د امارت لخوا د رامنځته شویو اسانتیاو یادونه وکړه او د زیاته یې کړه چې د صنعتي سکتور د پیاوړتیا لپاره به اسلامي امارت خپلې هڅې و نه سپموي.
