د زعفرانو د ملي اتحادیې غړو سره لیدنه
چهارشنبه: د وری ۱۰مه ۱۴۰۱
دا غونډه چې د دصنعت اوسوداګرۍ وزارت د مرستيال ښاغلي مولوی قدرت الله جمال په مشرۍ ، د دغه وزارت د یو شمیر رئیسانو،دهیواد دمرکز او ولایاتو څخه د زعفرانو کروندګرواو کاروباریانو په کې ګډون جوړه شوې وه .
د زعفرانو کاروباریانو د زعفرانو د تولید، پروسس او سوداګرۍ په برخو کې د شته ستونزو په اړه خبرې وکړې او خپل وړاندیزونه یې د وزارت مشرتابه ته وړاندې کړل.
د صنعت او سودارګۍ وزارت مرستیال ښاغلی مولوی قدرت الله جمال وویل، د ویاړ خبره ده چې موږ ټول د هیواد دتولیداتو او صادراتو د ښه والې لپاره راټول شوې یو او دا چاره موږ هڅوي؛ موږ په بیلابیلو پلانونو کار کوو او د ټولو اړخونو په نظر کې نیلو سره به د پرمختګ لپاره لا زیاتې هڅې وکړو.
ښاغلي جمال زیاته کړه، چې له بهرنیو هېوادونو سره ټولې جوړې شوې غونډې کې دزعفرانو پر سوداګرۍ بحث ترسره کیږی ، چې یوه بېلګه یې څو ورځې وړاندې افغانستان ته د چین د بهرنیو چارو وزیر سفر وه، چې د زعفرانو سوداګري د دغه هېواد د اجنډا په سر کې وه.
د يادونې وړ ده، چې په دې غونډه کې د هېواد د زعفرانو د سکتور ټول غړې رابلل شوې وه ، ترڅو د خپلو ستونزې، وړانديزونه او غوښتنې د وزارت مقام سره د حل په موخه شریکې کړي.
پټه دې نه وې چې د هېواد زعفران د کیفیت له پلوه په نړۍ کې لومړی مقام او د زعفرانو د ملي اتحادیې مسوولینو په وینا د کمیت له له پلوه د هیواد زعفران د نړې په کچه دویم ځای لري.
