د خصوصي سکتور د پراختیا کمیټې(پرایسک)دوهمې کاري ډلې لسمه ناسته تر سره کړه

د خصوصي سکتور د پراختیا کمیټې خپله لسمه ناسته چهارشنبې د ۱۳۹۸ کال د وږي په ۶ امه د صنعت او سوداګرۍ وزارت د مالي او اداري چارو د مرستیال ښاغلي اجمل حمید عبدالرحیمزي تر مشرۍ لاندې د اقتصاد وزارت، انګلستان سفارت او خصوصي سکتور د استازو او د صنعت او سوداګرۍ وزارت د یو شمیر رییسانو په ګډون د دې وزارت د کنفرانسونو په تالار کې تر سره شوه.
پدې غونډه کې د ۵/۵۰ طرحې په راټولونې او وروستي کولو، اصلاحات پیژندنې او همدارنګه د دې کاري ډلې د دوهمې مرحلې په فعالیتونو او پلان بحث او خبرې وشوې.
ښاغلي اجمل حمید عبدالرحیمزي د دې کاري ډلې په فعالیتونو د چټکوالي ټینګار وکړ چې باید د دې کاري ګروف فعالیتونه چټک وي.
د خصوصي سکتور د پراختیا کمیټې دوهمه کاري ډله د صنعت او سوداګرۍ، کرهڼې، مالیې، اقتصاد،اوبو لګولو او مالدارۍ وزارتونو او د افغانستان د صنایعو او سوداګرۍ خونې، د افغانستان د بین المللي سوداګرۍ خونې، د ښځو سوداګریز فدراسیون او د افغانستان د ملي تجارانو ټولنې تر ګډې رهبرۍ لاندې فعالیت کوي، چې اصلي او اساسي هیله یې د هیواد په صادراتو کې پراختیا ده.