د حبیب گلزارله تولیدي شرکت څخه دصنعت او سوداګرۍ وزیرلیدنه
یکشنبه : دلیندۍ ۲۳ مه ۱۳۹۹
دصنعت او سوداګرۍ وزارت درهبرۍ پلاوي دحبیب ګلزار له تولیدي شرکت څخه دلیدنې ترڅنګ دیاد شرکت دتولیدي کچې او ستونزو په اړه یې دیاد شرکت له مسولینو سره خبرې وکړې.
دصنعت او سوداګرۍ وزیر ښاغلي نثار احمد غوریاني وویل چې په هېواد کې له بېلابیلو شرکتونو څخه یې دلیدلو موخه دا ده، تر څو دیادو شرکتونو دتولید څرنګوالی، ستونزې او ننګونې په ګډه سره حل کړي.
ښاغلي غوریاني څرګنده کړه چې اوسمهال په وزارت کې یو شمېر کاري ډلې ګومارل شوي، تر څو وکولای شي دخصوصي سکتور لپاره داسانتیاو درامنځته کولو په موخه یو شمېر سوداګریزې او صنعتي تګلارې رامنځته کړي.
دیادونې وړ ده چې دحبیب ګلزار تولیدي شرکتونه د ۸۵ میلیون امریکایي ډالرو په پانګونې سره غیر الکولي څښن توکي، انرژۍ ، دمیوو جوس، معدني اوبه او د وچو شیدوبسته بندي و کړي او یاد تولیدات په ټول افغانستان کې پلورل کیږي.
یاد شرکت په هېواد کې څه باندې ۵۰۰ تنو ته دکار زمینه برابره کړې ده.
