د افغانستان د تولیدي صنایعو په نندارتون کې د ګډون کونکو صنعتي تولیدي او سوداګریزو شرکتونو ستاینه

reza_admin
سه‌شنبه ۱۴۰۰/۳/۴ - ۷:۳۳
د افغانستان د تولیدي صنایعو په نندارتون کې د ګډون کونکو صنعتي تولیدي او سوداګریزو شرکتونو ستاینه

یک‌شنبه د غبرګولي ۲ يمه ۱۴۰۰

دصنعت او سوداګرۍ وزارت او د افغانستان د صنایعو خونې له هغو صنعتي توليدي  او سوداګریزو شرکتونو څخه ستاينه وکړه چې د افغانستان د تولیدي صنایعو په درې ورځني نندارتون کې يې برخه اخیستې وه.

 د يادې ستاينغونډې په پیل کې د صنعت او سوداګرۍ  وزيرښاغلي نثار احمد غوریاني وویل چې د افغانستان د تولیدي صنایعو نندارتون د اونۍ د پیل په مناسبت د صنعت ، پانګوونې او له  کورنیو تولید اتو څخه ملاتړ او د۶۰توکو معرفي کېدل چې پر ځان بسياينې ته رسيدلي او يا م ورته نږدې شوي په  سوه غرفو کې د دوه سوه صنعتي توليدي او سوداګریزو شرکتونو لخوانندارې ته وړاندې شوي وو.

 ښاغلي غوریاني همدارنګه زیاته کړه چې د دریو ورځو په موده کې ، د هیواد شاوخوا لسو زرو  هېوادوالو او همدارنګه په کابل کې ميشت له سلو څخه زیاتو بهرنیو اتباعو د دغه نندارتون لیدنه وکړه اوتوکي يې و پیرل.

 ښاغلي غورياني له کورنیو تولیداتوڅخه په ملاتړ  ټینګاروکړ او زياته يې کړه،  چې د لومړي ځل لپاره ، د صنعت او سوداګرۍ وزارت د دایمي نندارتون په ساحه کې په لوړه کچه داسې لوی نندارتون په لاره واچول شو ، چې دهېواد والولخوا يې تودهرکلی  وشو.

 دصنعت اوسوداګرۍ  وزیر زیاته کړه چې دغه وزارت به په روان لمریز کال  ډیری کورني او بهرني نندارتونونه په کور دننه او بهر کې د کرنيزو اوصنعتي توکود معرفي کولو او بازارموندنې په موخه په لاره واچوي.

 په دې مراسمو کې ، د افغانستان د صنایعو او کانونوخونو رییس شیرباز کمین زاده د صنعت او سوداګرۍ وزارت رهبرۍ د صنعت او سوداګرۍ وزارت دایمي نندارتون په ساحه کې د دغه نندارتون له ترسره کيدوڅخه ستاینه وکړه او ویې ویل چې د له کورنیو تولیداتو څخه ملاتړد ټولو هیوادوالو دنده ده.

 ښاغلي کمين زاده همدارنګه زیاته کړه چې د ولسمشرماڼۍ او د سوداګرۍ  وزارت د نوي مشرتابه له جامع پلانونو سره کورني تولید وده کوي او په راتلونکي کې به د هیواد تولیدي صنعتونه په نورو سکتورونو کې هم په ځان بسیا شي.

 په دې مراسمو کې ، د صنعتي تولیداتو او سوداګریزو شرکتونو چارواکو سره ، د نندارتون مدیریت کارکوونکو او د وزارت يوشمير نورومسولينو برخه اخیستې وه.

تازه خبرونه

دوشنبه ۱۴۰۴/۹/۳ - ۱۴:۵
Background image

د ا.ا.ا.  د بهرنیو چارو وزارت د اقتصادي اړیکو رئيس او د صنعتي پارکونو له لوی رئیس، د هند د ټوکر (ټکسټایل) وزارت له مسوولینو سره وکتل

په دغه ناسته کې د افغانستان او هند تر منځ د اقتصادي او صنعتي همکاریو پر پراخېدو او پیاوړتیا په ځانګړي ډول، دواړو خواوو د پنبې د تولید او پروسس، د بشري ظرفیت لوړونې، د صنایعو د معیاري. . .

چهارشنبه ۱۴۰۴/۸/۲۸ - ۱۵:۵۲
Background image

د ریاست الوزرا عالي مقام اقتصادي مرستیال الحاج ملا براردر اخند په کندهار ولایت کې د نساجي صنعتي پارک په رسمي ډول افتتاح کړ

په یاد صنعتي پارک کې د سړکونو جوړولو او کانالیزاسیون پروژه هم پیل شوه چې څه باندي ٢٨ میلیونه افغانۍ ارزښت لري چې د یاد صنعتي پارک

دوشنبه ۱۴۰۴/۷/۲۸ - ۱۱:۴۹
Background image

لوګر کې د مس‌عینک تر سرلیک لاندې درې ورځنۍ ملي نندارتون پرانستل شو

د کورنیو محصولاتو او تولیداتو دغه نندارتون، چې د لوګر د صنعت او سوداګرۍ رياست په همکاري د مسلم ابراهیمي بازار موندنې شرکت له خوا

BACK TO NEWS