د افغانستان او ازبیکستان تر مینځ د سوداګرۍ او پانګونې پنځه تړونونه لاسلیک شول
شنبه ۱۳ صفرالمظفر ۱۴۴۶ / ۲۷ زمری ۱۴۰۳
د افغانستان د اسلامي امارت د ریاست الوزرا د اقتصادي مرستیال محترم ملا برادر آخوند او د ازبیکستان جمهوریت د لومړي وزیر ښاغلي عبدالله عارف اف په حضور کې د افغانستان د صنعت او سوداګرۍ وزارت او د ازبیکستان د پانګونې،صنعت او تجارت وزارت ترمینځ د سوداګرۍ او پانګونې په برخه کې پنځه تړونونه لاسلیک شول.
همدارنګه د افغانستان د اسلامي امارت د معادنو او پطرولیم، کرهنې، اوبو لګولو او مالدارۍ وزارتونو او د ازبیکستان د اړونده وزارتونو تر مینځ تړونونه لاسلیک شول.
په هغه مجحفل کې چې له همدې امله په ارګ کې جوړ شوی و، د ازبیکستان صدراعظم په نړیوالو سازمانونو او ټولنو کې له افغانستان څخه پر ملاتړ ټینګار وکړ او څرګنده یې کړه چې:مونږ له افغانستان سره همکارۍ ته چمتو یو او زمونږ د ولسمشر نظر دادی چې د افغانستان له اوسني حکومت سره له تعامل پرته پرمختګ امکان نه لري.
