دکندار ولایت دسوداګرو او صنعتکارانو دستونزو دحل په موخه دغونډې جوړېدل

یک‌شنبه 2 جوزا 1400

د صنعت او سوداګرۍ  وزارت  معین محمد سلیمان بن شاه ، چې د صنعتکارانو ، سوداګرو او پانګوالو پر وړاندې د شته فرصتونو او ننګونو د څیړنې په موخه  کندهار ولایت ته تللی، ددغه ولایت د کنفرانسونو په تالار کې له یو شمیر سوداګرو سره ولیدل او دهغوی  د ستونزو د حل په څرنګوالي یې بحث وکړ.

دغوسوداګرو له  وزارت څخه وغوښتل چې د دوی د سوداګرۍ ، پانګونې او ټرانزیټ د ستونزود حل په برخه کې هڅې وکړي او ټینګار یې وکړ چې د دغو ننګونو حل به سږ کال د هیواد صادرات ډیر کړي.

په دې ناسته کې د کندهار ولایت یو شمېر سوداګرو په بیلابیلو برخو کې خپلې ستونزې ، په ځانګړي توګه د فعالیت جواز ترلاسه کولو په برخه کې  د بریښنایی پیژند پا ڼې ترلاسه کول او درلودل او د کندهار د صنعت او سوداګرۍ په ریاست کې د دوی د کار ي پروسې بهیراو یو شمیر نورې ستونزې  د صنعت او سوداګرۍ وزارت له معین او ورسره مل پلاوی سره شریکې کړې.

ښاغلي بن شاه وویل چې د صنعت او سوداګرۍ وزارت تر رهبرۍ لاندې د کندهار سوداګرو ته په موقتي ډول دا اسانتیا برابروي چې له بریښنایي پیژند پاڼې پرته د فعالیت جواز ترلاسه  کړي ، خو دده په وینا  په راتلونکي کې دوی باید بریښنایي پيژند پاڼې  واخلي.

ښاغلي بن شاه دغه راز زیاته کړه چې د صنعت او سوداګرۍ وزارت رهبري په ځانګړي توګه په کندهار ولایت کې د سوداګرو ستونزو د حل په موخه هراړخیز پروګرامونه په لاره اچولي او د دې په پلي کیدو سره به د سوداګرو په وړاندې پرتې ننګونې حل شي.

دیادونې وړ ده چې کندهار ولایت د صنعت او سوداګرۍ وزارت لپاره د خپلو صنعتي ، اقتصادي ، سوداګریزو او ترانزیټي فعالیتونو له امله د هیواد داقتصادي او صنعتي ودې لپاره ځانګړی ځای لري.