پنجشنبه دکب 7مه 1399

تر واحد چتر لاندې دجوازونودويش طرحې دوړاندې کولو لومړنۍ غونډه چې ياده طرحه دصنعت او سوداګرۍ وزارت دثبت مرکزي او فکري مالکيتونو درياست لخواجوړه شوې د وړاندې کونکو دولتي نهادونو داستازو دخصوصي سکتور دپراختيا کميټې (پرايسيک) په ګډون دولسمشرۍ ماڼۍ دلومړي مرستيال په دفتر کې ترسره شوه

دغه طرحه دجوازونو دتوپير دراټيټولو , انسجام,دجوازونو دويش غوره مديريت,ددولت دعوايدو ډيروالی , کيفيت, مصونيت او روڼتيا په موخه جوړه شوې ده

دياوني وړ ده چې په دې طرحه کې دجواز کليشه يي ځانګړتياوې , کاغذ, رنګ او ډيزاين , لاسليک, منځپانګه, دجوازز نمبر, دجواز مراجع او دهغې دمعياري کولو ځانګړتياوې په پام کې نيول شوي دي

په ياده غونډه کې ګډونوالو دثبت مرکزي اوفکري مالکيتونو له ادارې څخه دمننې ترڅنګ خپل نظرونه هم شريک کړل او هر ډول همکارۍ ته يې خپل چمتو والی وښود