کندهارولایت ته دصنعت او سوداګرۍ وزیر سفر

چهار شنبه: د غویی ۱مه ۱۴۰۰

دصنعت او سوداګرۍ وزیر ښاغلی نثاراحمد غوریاني دیوه پلاوي په مشرۍ دولسي جرګې له یوشمېرغړو او خصوصي سکتور له استازو سره ، دصنعت سوداګرۍ دڅرنګوالي او دپانګونې دډیروالي په موخه کندهار ولایت ته سفروکړ.

ددغه سفر په ترڅ کې ښاغلي غوریاني دکندهار ولایت له والي روح الله خانزاده سره وکتل ، په دغه کتنه کې ښاغلي غوریاني وویل چې کندهار ولایت دپانګونې لپاره دهېواد له مهمو ولایتونو څخه شمېرل کیږي او ټینګار یې وکړچې دغه وزارت به دصنعت او سوداګرۍ دودې په موخه اړونده اسانتیاوې برابرې کړي

ښاغلي غوریاني همدا راز وویل چې په کندهار ولایت کې به دسوداګرو او صنعت کارانودستونزو دحل او په دغه ولایت کې دپانګونې دډیروالي په موخه به په ټولو صنعتي ښارګوټو کې اړونده اسانتیاوې ددوی په اختیار کې ورکړي

په دغه کتنه کې دکندهار والي روح الله خانزاده ټینګار وکړ چې په کندهار ولایت کې دصنعت او سوداګرۍ د ودې په موخه ددغه ولایت محلي اداره  هر راز همکارۍ ته چمتو ده.

ټاکل شوې ده چې ددغه سفر په ترڅ کې ښاغلی غوریاني دکندهار ولایت دصنعتکارانو او سوداګرو له استازو سره په کتنه کې دهغوی دستونزو د حل پرلارو چارو خبرې اترې وکړي.