ښاغلی مولوي جمال: د امنیت په راتګ سره؛ د پانګې اچونې لپاره بهترینه زمینه برابره شوې ده
دوشنبې د غبرګولي ۳۰ نیټه ۱۴۰۱ کال
د صنعت او سوداګرۍ وزارت معین محترم مولوي قدرتالله جمال تخار ولایت ته د خپل سفر په ترڅ کې له خصوصي سکتور او د اړونده ادارو له مسؤلینو سره وکتل.
یاده غونډه چې د تخار ولایت مقام د غونډو په تالار کې په لاره اچول شوې وه؛ محترم شیخ انصار ښاروال، محترم قاری عبدالشکور د مقام دفتر رئیس، خالدالدین حقجو د تخار ولایت د صنعت او سوداګرۍ امر، سوداګرو، صنعت کارانو، د معادن او صنایعو اتاق غړو او د پیشه ورانو اتاق غړو، متشبثینو او د اړوند ده ادارو مسؤلینو پکښې ګډون کړ ی وه.
په بېل کې د یاد ولایت د صنعت او سوداګرۍ آمر د دې امریت د لاسته راوړنو په اړه خبرې وکړې او معلومات یې وړاندې کړل .
همدارنګه په دې لړ کې ګډونوالو هر یوه په خپل نوبت سره خبرې وکړې؛ خپل وړاندیزونه، ننګونې او ستونزې وړاندې کړلې.
د صنعت او سوداګرۍ چارو معین محترم مولوي قدرتالله جمال تخار ولایت ته یې د خپل سفر موخه، ستونزو ته رسیدنه او د شته فرصتونو په نښه کول څرګند ګړل، او ټینګار وکړ چې د امنیت په راتلو سره؛ بهترینه زمینه د پانګې اچونې لپاره مساعد شوې، سوداګر او صنعت کاران د خپلې پانګې اچونې سره کولی شي؛ اشتغال را منځته کړي.
محترم مولوی قدرتالله جمال له سوداګرو څخه وغوښتل او ټینګارې وکړ چې باکیفته مواد تولید او وارد کړي د ولایت له مسولینو څخه یې غوښتنه وکړه چې د خصوصي سکتور لپاره ډیرې اسان تیاوې برابرې کړي او همدارنګه د غونډې له ګډونوالو څخه وغوښتل چې خپلې نیکې او سازنده مشورې د خدماتو د سمون او د سوداګرۍ د پراختیا په موخه د صنعت او سوداګرۍ له مشرتابه سره شریکې کړئ.