په کندهار ولایت کې د پانګونې زیاتوالی
سهشنبه د وری۱۰مه ۱۴۰۰
د کندهار ولایت سیمه ایز چارواکې په یاد ولایت کې د خوراکې توکو په تولیداتو کې د پانګونې د زیاتوالی خبر ورکوي.
د کندهار د صنعت او سوداګرۍ رئیس ښاغلي علاالدین حمیدي وايې چې د لاوا خوراکې توکو فابریکې په دې ولایت کې د خپلې پانګونې په کچه کې زیاتوالي راوستی دی .
دنوموړې په وینا یاده فابریکه چې په ۱۳۹۴ کې د یو میلیون امریکايې ډالرو په پانګونې سره د کندهار ولایت په مرکز کې رامنځته شوې اوس یې خپله پانګونه ۳ میلیونه امریکايې ډالرو ته لوړه کړې ده ،چې هره ورځ نږدې ۶۰۰ کارتنه خوراکې توکې تولیدوي او هم يې په سیمه کې د ۴۰ تنو څخه زیاتو وګړو ته د کار زمینه برابره کړې ده .
یاده فابریکه د تولید لپاره اومه توکې د کورنیو مواد څخه ترلاسه کوي او خپل تولید شوي توکې د پلور لپاره ګاونډیو ولایاتو ته هم لیږدوي.
