په کندهار ولايت کې دپي وي سي توکو فابريکې پرانيسته
شنبه دغوايي ۴ مه ۱۴۰۰
په کندهار ولايت کې دمحمود پښتون دپي وي سي توکوتوليدي فابريکه چي ددغه ولايت په شور اندام صنعتي ښارګوټي کې موقيعت لري شمالي سیمه کي موقعیت لري، دصنعت او سوداګرۍ وزير ښاغلي نثاراحمد غورياني په حضورکې د یو ميلیون امریکايي ډالرو په پانګونې سره خپل نوی فعالیت پیل کړ.
د دې فابریکې مشر حاجي عبدالباري ورور وايي چي په ياده فابريکه يې لومړنۍ پانګونه۱۰۰زره امریکايي ډالره وه.
او زياتوي چې ياده فابريکه په ورځني ډول د ۵ ټنه پي وي سي او پولي ایتلین پایپ تولیدولو وړتیا لري.
دمګړی په دې فابريکه کي د ۱۰۰ په شاوخوا کي کارکوونکي په مستقیم او غیر مستقیم ډول په کار بوخت دي.
ددغې فابريکې خام مواد په هيواد کې دننه پیدا کیږي اوخپل توليدات په نورو ولايتونو سربيره کندهار زابل، هلمند او ارزګان ولایتونوته استوي.
نثاراحمد غوریانی دصنعت او سوداګرۍ وزارت تل هڅه کړې چې دهېواد داقتصادي پرمختګ او صنعتي ودې په موخه دخصوصي سکتور لپاره لازمې اسانتياوي برابرې کي.
د دې کارخوني دپرانيستې په مراسموکې د صنعت او سوداګري وزیرښاغلي نثار احمد غوریاني، په ولسي جرګه کي د کندهار د خلګو استازو, د سوداګرۍ او پانګوني خوني غړی خانجان الکوزی، د کندهار ولایت صنایعو او معدن خوني مشرتابه، د صنعت او سوداګرۍ رئیس علاؤالدین خان حمیدي او ګڼو صنعتکارانو ګډون کړی وو.
