په پکتیکا ولایت کې د ښځو د لاسي صنایعو نندارتون ترسره شو
شنبه:دچنګاښ۱۹مه ۱۴۰۰
په پکتیکا ولایت کې د ښځو دلاسي صنایعو لومړی نندارتون د پکتیکا والي تورنجنرال محمد یاسین، د خصوصي سکتوراستازو، د دغه ولایت د صنعت او سوداګرۍ آمر او یو شمیر ښځینه متشبثینو په ګډون ترسره شو.
دغه نندارتون د پکتیکا ولایت د صنعت او سوداګرۍ آمریت لخوا د ښځو چارو ریاست په همغږۍ د یوې ورځې لپاره د ولایت په په مرکز شرنې کې د ښځینه متشبثینو او سوداګرو د تقویه کولو،د میرمنو د لاسي صنایعو او کورنیو تولیداتو څخه د ملاتړ په موخه جوړ شوي و.
د یاد نندارتون په بهیر کې د ولایت والي ، ښاغلي محمد یاسین ټینګار وکړ چې د پکتیکا ولایت دسوداګرو میرمنو سوداګرۍ او صنعت کارانو لپاره د لا زیاتو فرصتونو برابرولو،کوردننه او بهر د مناسب بازار موندلو لپاره په یوي طرحې کار روان دي چې په بشپړیدلو سره به يې یادي موخې ترلاسه شي.
د صنعت او سوداګرۍ وزارت مشرتابه هوډ لري چې په روان لمریز کال کې د کورنیو تولیداتو د ملاتړ او بازار موندنې لپاره هیواد دننه او بهر یو شمیر نندارتونونه ترسره کړی.
