په پروان ولایت کې ۵۰۰ صنعتکارو میرمنو ته د ګنډلو ماشینونه اود خیاطۍ لوازم وویشل شول
یکشنبه ۲۴ ذوالقعدةالحرام ۱۴۴۵ / ۱۳ غبرگولی ۱۴۰۳
دغه وسایل چې د ګنډلو ماشینونه، زکزاک، اورلاک، د ګنډلو میز، اوتو، یخچال او د ګنډلو اړین لوازم په کې شامل دي، د پروان ولایت د صنعت او سوداګرۍ ریاست له خوا د ایویک انسټیټیوټ په مالي همکارۍ پر صنعتکارو او متشبثو مېرمنو ته په واک کې ورکړل شول.
د دغه ولایت د مرکز په ګډون د ۶ ولسوالیو ۵۰۰ ښځینه صنعتکارانې او متشبثین په کور دننه د کار کولو د جواز او کاري معیارونو له دقیقې پېژندنې وروسته له دغو ماشینونو څخه ګټه پورته کوي.
