په پروان ولایت کې دډبرو دپریکولو دصنعت ډیروالی
سه شنبه: دچنګاښ ۸مه ۱۴۰۰
په پروان ولایت کې دډبرو دپرې کولو چمتو کولو فابریکې خپل تولید ډیر کړی دی، دا فابریکه چې د 350 زره امریکایی ډالرو په لومړنۍ پانګوونې سره د پروان ولایت د تتمددرې صنعتي پارک کې فعالیت کوي او د دې ولایت له لسو څخه ډیرو اوسیدونکو ته یې د کار زمینه برابره کړې ده.
د ضامن سلطان د ډبرو فابریکه ، چې د 7 139 کال راهیسې په دې برخه کې فعالیت کوي ، په ورځ کې له ۱۰۰ مترو مربع څخه ډیر د ډبرود تولید ظرفیت لري ، چې هر متر مربع ډبره له ۱۶۰۰ څخه تر ۱۸۰۰ افغانیو پورې بیه لري.
دا فابریکه د دې ولایت په سالنګ ولسوالۍ کې له شته کان څخه خام توکي ترلاسه کوي او په مختلفو اندازو یې پرې کوي.
د یادونې وړ ده چې د پروان ولایت په مرکز کې شاوخوا ۶ کیلومتره سړک له دې ډبرو څخه جوړ شوی ، چې د قیر په پرتله غوره او پیاوړی دی.
د دې فابریکې چارواکي وايي چې دوی هڅه کوي د خپلې پانګونې او تولید کچه پراخه کړي او خپل محصولات د هیواد نورو بازارونو ته ولیږدوي. دا مهال د دې فابریکې محصولات پر پروان ولایت سربیره په کاپیسا ولایت کې هم پلورل کیږي.
