په هیواد کی د سړو خونو پر جوړولو بحث
سه شنبه مورخ ۱۹ جمادی الاول ۱۴۴۴ / ۲۲ لېندۍ ۱۴۰۱
هغه ناسته چي د صنعت او سوداګرۍ وزارت مرستیال ښاغلي مولوي قدرت الله جمال په مشري او د مولوي محمد زمان ناصری د صنعتی پارکونو د انکشاف او پالیسی رئیس، د کرنې، صنایع او معادنو خونې مشرتابه په ګډون د هیواد د سړو خونو وضعیت په اړه بحث وشو.
د کرنې خونې مشر ښاغلي خان محمد فروتن د سړو خونو په اړه د داخلی تولیداتو کارول، د داخلی تولیداتو د صادراتو لپاره سبسیډي، او د کرنیز بانک جوړولو په اړه وړاندییزونه وکړل.
همداراز ښاغلي رحیم الله سمندر د صنایع او معادونو خونې اجرائیوی مرستیال سړو خونو یادو خونو لپاره اساسی اړتیا، او د افغانستان د تولیداتو لویه ستونزه وبلله او د سړې خونې جوړولو، د مدیریت څرنګوالی، او د دولت او خصوصی سکتورپه ګده پانګه اچونې په اړه خپل نظریات شریک کړل.
همداراز په خپل وار سره ښاغلی مولوی محمد زمان ناصری وویل د صنعت او سوداګرۍ وزارت مشرتابه د سړې خونې پر جوړولو باندی خاص توجو لری.
د صنعت او سوداګرۍ وزارت مرستیال ښاغلی مولوی قدرت الله جمال په ټینګار سره وویل مونږ باید خپل ټول توان د ګاونډیو سره په رقابت کی مصرف نکړو، مونږ باید د ظرفیت جوړونه او خپل زیربناوې ته پاملرنه وکړو، اوږد کلنو لپاره باید بنسټ کیږدو، مونږ د یو واحد دولت په توګه خپل ولس او هیواد ته توجو وکړو.
پریکړه وشو چي د مربوطه اداراتو او خصوصی سکتور په ګډون جامع تګلاره ترتیب شي.
