په ننګرهار کې د سوداګریزواسنادو د واحد مرکز پرانیستل
دوشنبه: د سلواغي ۳۱مه ۱۴۰۰
د صادراتې محصولاتود اسنادو د پروسې بهیر،واحد مرکز د صنعت او سوداګرۍ وزارت د صنعت او سوداګریزو چارو مرستیال ښاغلي محمد سلیمان بن شاه، د ننګرهار والي ښاغلي ضیا الحق امرخیل، دمالیې وزارت، دکرنې او مالدارۍ وزارت د استاز،د صادراتو په چارو کې د ولسمشر سلاکاراو د خصوصي سکتور استازو په ګډون د ننګرهارولایت د ګمرک په ریاست کې پرانستل شو.
دغه مرکز د ننګرهار ولایت په ګمرک کې د هیواد د صادراتي توکو د اسنادو د پروسوکې د اسانتیاو،برابرولو په موخه د افغانستان د اسلامي جمهوریت د پراختیایی بودیجې څخه د درې ملیونه افغانیو په لګښت رامنځته شوی دی.
د ننګرهاروالي ښاغلي ضیا الحق امرخیل دیاد مرکز د پرانیستې په مراسمو کې وویل چې ددې مرکز پرانسته به سوداګرو ډیری ستونزې حل کړې او د اسنادود مراحلو بهیر وخت به هم یوې دقیقې ته را کم کړی.
دصنعت او سوداګرۍ معین ښاغلي محمد سلیمان بن شاه هم وویل چې په ننګرهار ولایت کې د صادراتې محصولاتو دپروسې د بهیر، د یوواحد مرکز د جوړولوموخه، د هیواد د صادراتو د زیاتوالي لپاره لازمو اسانتیاوو برابرول دي.
ښاغلي بن شاه زیاته کړه ،چې ورته واحد مرکزونه په کابل او کندهار ولایت کې د صادراتي توکو د اسنادو د پروسو اسانه کولو لپاره رامینځته شوي دي.
په دې مراسمو کې ،په صادراتې چارو کې د ولسمشر سلاکار، د مالیې ، کرنې اوبو لګونې او مالدارۍ وزارتونو او خصوصي سکتور استازو د دې مرکز تاسیس د هیواد د صادراتو پراختیا او اسانتیاو برابرولو کې د صادرونکو لپاره ارزښتمن ګام وباله.
