په ننګرهار ولایت کې د پلاستیکې توکو د تولید فابریکې پرانیستل.
چهارشنبه : دکب ۶مه ۱۳۹۹
په ننګرهار ولایت کې د پلاستیکې توکو یوه فابریکه د ۵۰ زره امریکايې ډالرو په پانګونې سره د دولتي چارواکو او دننګرهار د صنعت او سوداګرۍ رئیس په ګډون پرانیستل شوه .
یاده فابریکه په جلال آباد ښار کې د بیرته راستنیدونکوچارو نړیوال سازمان په مالي ملاتړ جوړه شوې چې هیواد ته د بیرته راستنیدونکو کډوالو لپاره یې کاري فرصتونه برابر کړي دي .
د صدیق ساپي د پلاستیکې محصولاتو فابریکه د بیلا بیل پلاستیکې توکې ، ګلدانونه ،پلاستیکې جګ او ګیلاسونه تولیدوي چې د اړتیا وړ اومه توکې هم د هیواد دننه موادو څخه ترلاسه کوی.
دغه فابریکه خپل تولیدي توکي پر ننګرهار ولایت سربیره نورو هولایتونو ته دخرڅلاو په موخه استوي.
د یادونې وړ ده چې په ننګرهار ولايت کې د بیلابیلو سکتورونو ترڅنګ د صنعت سکتور د ودې په حال کې دی.
