په خوست ولایت کې د چرګانود دانې د تولید شرکت دفعاليت پيل
شنبه دزمري 2يمه 1400
په خوست ولایت کې د چرګانو د دانې تولیدي شرکت د دولتي چارواکو او خصوصي سکتور داستازوپه حضور کې د 166 ملیونه افغانیو په پانګونې سره پرانستل شو.
د مایل نوبهار چرګانو تولید شرکت چارواکي وايي چې په دې شرکت کې یې 166 ملیونه افغانۍ پانګونه کړې ، چې په یوه ساعت کې د لسو ټنو دانې د تولید ظرفیت لري او 120 تنو ته يې د کار زمینه هم برابره کړې ده.
د خوست ولایت والي وايي چې دغه ولایت په مختلفو سکتورونو کې د پانګونې راجلبولو ډیر ظرفیت لري.
په خوست ولایت کې د پانګوونې راجلبولو لپاره ، د صنعت او سوداګرۍ وزارت په دې ولایت کې د باغ - سموات صنعتي پارک د زیربناو جوړولو پروژه پیل کړې ، چې د پانګونې راجلبولو او په ياد پارک کې د پانګوالو هڅولو کې به کلیدي رول ولوبوي.
