ننګرهار ولایت کې راستنو شوو کډوالو سره مرسته وشوه
یک شنبه مورخ ۲۰ ربیع الثانی ۱۴۴۵ / ۱۴ لړم ۱۴۰۲
د ننګرهار ولایت سوداګرو او صنعتکارانو تورخم کې راستنو شوو کډوالو سره د غذایي توکو مرسته وکړه. یاده مرسته چې د خوراک څښاک توکو یې عمده برخه جوړوله د ننګرهار ولایت د سوداګرۍ د رئیس او سوداګرو په شتون کې د مرستو د وېش لپاره ټاکل شوي ځانګړي کمېسیون ته وسپارل شوه. د سوداګرو استازو ترسره شوې مرسته خپله اسلامي او افغاني وجیبه وبلله او تل لپاره یې داسې مرستې لپاره چمتووالی وښود. د سوداګرۍ ولایتي رئیس سید عبدالبصیر پاچا له سوداګرو څخه ددې اغېزمنې مرستې په پار مننه وکړه.
د یادونې وړ ده د صنعت او سوداګرۍ وزارت له سوداګرو غوښتنه کړې چې له راستنېدونکو هیوادوالو سره مرسته وکړي.
