محترم مولوي قدرت الله جمال د کندوز له والي سره وکتل
سه شنبه د غبرګولي ۳۱ نیټه ۱۴۰۱ کال
د صنعت او سوداګرۍ وزارت معین محترم مولوي قدرتالله جمال او ورسره پلاوي محترم ملا نیازمحمد واثق د معینیت اقتصادي سلاکار اومحترم مطیعالله امید د ستراتیژۍ، پالیسۍ او پلان رئیس کندوز ولایت ته د خپل سفر په ترڅ کې، تېره ورځ د یاد ولایت والي محترم نثاراحمد نصرت سره وکتل.
په دې ملاقات کې چې د کندوز ولایت د امنیې قومندان محترم قاری بختیار معاذ هم حضور درلود؛ محترم نثاراحمد نصرت د کندوز ولایت ته د ښاغلي جمال له رتګ څخه خوښي څرګنده کړه او د شیر خان بندر د اورګاډي پټلۍ رغول یې اړین یاد کړل او زیاته یې کړه چې د هیواد د اقتصاد په پرمختګ او د مالونو د انتقال په برخه کې به ګټوره تمامه شي.
د صنعت او سوداګرۍ چارو معین محترم مولوي قدرتالله جمال ټینګار وکړ او وویل چې د خصوصي سکتور د اسنادو طی مراحل باید په ټاکلي وخت سره تر سره شي او موږ تصمیم لرو چې په ولایتونو کې صنعتي پارکونه جوړ کړو اوصنعت کارانو لپاره لا ډیرې اسانتیاوې برابرې کړو.
محترم قاری بختیار معاذ د کندز ولایت امنیې قومندان هم خبرې وکړې او د خصوصي سکټور د امنیت د ټینګښت څخه یې ډاډ څرګند کړ .
په اخر کې محترم مولوي قدرت الله جمال د کندز ولایت د صنعت او سوداګرۍ رئیس محترم غلام حیدی زاده ته هدایت ورکړ تر څو د صنعت کارانو، سوداګرو او متشبثینو ستونزې او وړاندیزونه هر وخت د ولایت له مقام سره شریکې کړي.
