له ملي او نړیوالو موسساتو سره د هوکړه لیکونو لاسلیک

سه شنبه ۲۱ ربیع الاول ۱۴۴۶ / ۳ تله ۱۴۰۳

د صنعت او سوداګرۍ وزارت سرپرست محترم الحاج نورالدین عزیزي نن سه شنبه د میزان (تلې) په درېیمه نېټه تر غرمې وروسته د نهه ملي او نړیوالو هغه موسسو له مسوولینو سره وکتل چې د متشبثینو د ایتعداد د پیاوړتیا، د بې وزلو کسانو د اقتصادي ودې،د کورنیو د ژوند کچې لوړولو او دې ته ورته نورو برخو کې پروژې پلې کوي.

پدې کتنه کې ښاغلي الحاج عزیزي د افغانستان د اسلامي امارت پر قوانیو باندې پر ټینګار سره وویل:د صنعت او سوداګرۍ له وزارت سره د کډوالو، بنسټونو او صنعت په برخو کې فعالیت لومړیتوب لري..

ټاکل شوې ده چې دغه نهه موسسې د  6.936.278 امریکایي ډالرو په ارزښت خپلې پروژې په کابل، هرات، بلخ، ننگرهار، بامیان، بدخشان، تخار، کندوز، سمنگان، بغلان، کنړ، غزني، لغمان، پکتیکا، خوست، پروان، فاریاب او پکتیا ولایتونو کې پلې کړي.