د کرنې او مالدارۍ خونې مشرتابه سره ګډه غونډه
چهارشنبه د وری۱۸ مه ۱۴۰۰
د افغانستان د صنعت اوسوداګرۍ او کرنې او مالدارۍ خونې د رهبری پلاوې ګډه غونډه د یاد وزارت د شهید سید مصطفی کاظمي د غونډو په تالار کې ترسره شوه .
د غونډې په پیل کې ، د صنعت او سوداګرۍ وزارت د صنعتي پارکونو عمومی رییس ښاغلي محسن سادات وویل چې د صنعت او سوداګرۍ وزیر ښاغلي نثار احمد غوریاني د لارښونې سره سم ، دغه وزارت د افغانستان د کرنې او مالدارۍ اطاق د مشرتابه سره په همغږۍ مکلف دی چې په نږدې راتلونکي کې د دې اطاق د رهبرۍ پلاوې د ټاکلو لپاره ټاکنې ترسره کړي.
پدې ناسته کې ، د ټاکنو د ترسره کولو د څرنګوالي په میکانیزم ، دترسره کیدو وخت او د ټاکنود چمتو والې په اړه خبرې وکړې.
همدارنګه دصنعت او سوداګرۍ وزارت د حقوقی چارو ریاست او داطاقونو فدراسیون مشورتي برخې دصنعت او سوداګرۍ د وزیر ښاغلي نثار احمد غوریاني تر لارښوونې لاندې د افغانستان د کرنې او مالدارۍ د اطاقونو ټاکنو لپاره کړنلاره چمتو کړې ده .
دصنعت او سوداګرۍ وزارت د اقتصاد عالی شوارله تصویب څخه وروسته مکلف دې چې د ټاکنو خپلواک کمیسیون سره په همغږی د افغانستان د کرنې او مالدارۍ اطاق د اطاقونو د قانون د یاد اطاق ټاکنې ترسره کړی.
