د وچې مېوې له سوداګرو سره غونډه
پنجشنبه د زمری 13 کال 1401
د صنعت او سوداګرۍ وزارت معین ښاغلي مولوي قدرت الله جمال د وچې مېوې له سوداګرو سره وکتل.
د سوداګرۍ او صنایعو معین له خپل مل پلاوي سره د کندهار ولایت په سفر کی د دغه ولایت د وچې مېوې له سوداګرو سره وکتل او د هغوی ستونزې یې واورېدې.
ورپسې ښاغلي جمال د سوداګرۍ او صنایعو وزارت د رهبرۍ له لوري دې برخه کې د ترسره شویو فعالیتونو په اړه خبرې وکړې او د دغه ولایت د صنایعو او سوداګرۍ ریاست ته یې لارښوونه وکړه چې دسوداګرو ستونزې او وړاندیزونه تعقیب کړي. او تل دحل په موخه له مرکز سره شریک کړي .
د صنایعو او سوداګرۍ معین ښاغلي مولوي قدرت الله جمال په ټینګار سره یادونه وکړه، چې ولایتونو ته یې د سفر موخه؛ د ستونزو حل کول او د سوداګریزو او صنعتي فعالیتونو څیړنه او د صنعت او سوداګرۍ ریاستونو او آمریتونو د نورو ادارو څانګو سره د ادارې ترمنځ همغږي ده.
