د هرات تک د پلاستيک جوړولو فابریکه
شنبه: د غويی ۱۸ مه ۱۴۰۰
د هرات تک د پلاستيک جوړولو فابریکې خپله پانګونه د درې سوه زره امریکایی ډالرو کچې ته لوړه کړې
دا فابریکه ، چې د شنو خونو پلاستیکونواو پلاستیکې خلطو د تولید په برخه کې د هرات ولایت صنعتي ښارګوټي کې فعالیت کوي ، خپل پانګه او تولید یې ډیر کړی.
دغه فابریکه چې له پنځو کالو راهیسې په دې برخه کې کار کوي ، د هرات ولایت له شلو څخه زیاتو اوسیدونکو ته يې د کار زمینه برابره کړه.
د فابریکې څښتن وايي ، دوی د اړتیا وړ اومه توکي کوردننه ترلاسه کوی او خپل تولیدات کابل ، بلخ ، کندهار ، هلمند او ننګرهار ولایتونو ته لیږدوي.
په ورته وخت کې ، د صنعت او سوداګرۍ وزارت مشرتابه ، د یوپالیسۍ جوړونې ارګان په توګه تل د هیواد اقتصاد ودې او سوکالۍ لپاره خصوصي سکتور او صنعتکارانو هراړخیز ملاتړ کوي.
