د لوژستیکي او تولیدي شرکتونو له استازو سره لیدنه
سهشنبه: د لړم ۱۸مه ۱۴۰۰
د صنعت او سوداګرۍ وزارت سرپرست ښاغلي نورالدین عزیزي د دې وزارت د لوژستیکي او تولیدي شرکتونو له استازو سره د یاد وزارت د غونډو په تالار کې وکتل او د هغوی پر ستونزو یې خبرې وکړې.
دوی د پیسو د انتقال، د پورونو د ورکړې او له بانکونو څخه د ۵ سلنه پیسو د ترلاسه کولو او د هېواد له امنیتي سکتورونو څخه د خپلو پورونو د ترلاسه کولو په اړه خبرې وکړې او د دغو ستونزو د حل غوښتنه یې وکړه.
ښاغلي عزیزی د غونډې د ګډونوالو ستونزې یو شان وبللې، ویې ویل چې تیره ورځ د وزیرانو شورا په غونډه کې دخصوصي سکتور او شرکتونو پر ستونزو خبرې وشوې اود یادو شرکتونو څخه يې غوښتنه وکړه تر لسو نفره استازي د زیات بحث اوستونزو د حل په موخه د مالي وزارت او مرکزي بانک سره د ګډې غونډې لپاره معرفې کړي .
پای کې د لوژستیکي او تولیدي شرکتونو استازو د وزارت مشرتابه ته بلنه ورکړه ترڅو د دوی له فابریکو څخه لیدنه وکړي.
